# poki pi sona wawa

sitelen pi leko tu tu:

leko #1: jan mute pi wawa nasa li kama lon poka sewi pi poki suli. ona li pana e lipu mute tawa insa poki.
> jan mute: o pana e lipu ale tawa poki pi sona wawa.

leko #2: anpa pi poki suli la, seli li suno wawa. jan li tu e kasi li pana e ona lon seli.
> jan mute: o pana e kasi ale tawa poki pi sona wawa.

leko #3: jan li kama kulupu lon poka poki. sinpin poki li sama sinpin jan. oko ona li kama suno loje. uta ona li kama open.
> jan mute: poki pi sona wawa o! ma mi li kama moli. o pana e sona wawa tawa mi!

leko #4: poki li toki tan pilin pona. jan li toki ala tan pilin nasa.
> poki: jan sona ma li toki e ni: tenpo suno ale la, sina o moku e kiwen lili.
> jan mute: ... ... ...