# jan awen pi sona suli

sitelen pi leko tu tu:

leko #1: jan lawa li lon supa monsi suli. lon sinpin ona la, mije pi wawa nasa li anpa e sijelo.
> mije: tenpo pini la, sina toki lawa e ni: o pakala e lipu pi sona ike. tenpo lon la, pali ni li pini.
> jan lawa: pali sina li pona!

leko #2: mije li tawa tan tomo. jan lili pi kama sona pi wawa nasa li tawa lon poka ona.

leko #3: ona tu li awen tawa li weka tan tomo awen.
> jan lili: taso sina pakala ala e lipu. tenpo pini poka la, sina pana e ona tawa jan pi wawa nasa pi ma lete.

leko #4: ona tu li pini e tawa. mije li lukin sewi, li toki.
> mije: lawa li suli. taso lawa li kama lon, li kama weka kin. sona taso li awen lon tenpo.