nasin

jan pona li pana pona

pali jan Pepa&soweli Kawa li kama taso tan jan pona pi pana mani. jan ni li kama tan ma mute tan ma ale. jan wan ni li pana e mani lili tawa wan toki wan. tan ni la, nimi ona li sitelen lon wan toki sin. nasin ni la, jan Pepa&soweli Kawa li ken awen kepeken wile ona taso kepeken nasin ona taso. sitelen esun ike en toki esun ike li wile ala.

sitelen pi pana pona mani

jan ale li ken jo, kepeken nasin Free(libre), lon tenpo ale, kepeken mani ala

jan Pepa&soweli Kawa la, lipu ni la, jan ale li ken jo e pali ale mi. jan Pepa&soweli Kawa la, lipu ni la, pali ale mi li jo pi jan ale, li nasin Free(libre). sina pana ala pana e mani - ken ni tu la, sina ale li pona sama tawa mi. pali mi namako li tawa jan pona pi pana pona la, pali mi namako li lon lipu ni kin. tenpo ala la, jan Pepa&soweli Kawa li alasa sina tan mani sina. tenpo ala la, sina ken jo e pali sin tan mani taso.

sitelen li pana e ni: sinpin kiwen pi nasin mani taso

nasin Open-source en ken mute

mi wile pana e ken jo, e ken pana, e ken pali, e ken esun, e ken mani tawa jan ale kepeken pali mi. wan ala en sitelen ala en musi ala en pali ala li kepeken taso ilo Free(Libre) pi nasin Open-Source lon ilo GNU/Linux. mama pali ale li lon lipu ni, lon wan "mama pali". mi wile e ni: sina ante toki e pali mi, li pali e sitelen sama pali mi, li sitelen ilo e sitelen mi, li tawa e sitelen mi, li pali e musi pi pali mi, li pana e pali mi tawa jan ante, li esun e pali mi. pali ni taso li wile taso: o nimi e jan musi (sina wile kepeken musi la, jan musi li jan musi sitelen, li jan pi ante toki, li jan pi pona pali.), o pana e nasin ilo tawa nasin lawa, o toki e ante sina. sina ken pali mute. sina o toki ala e ni, o pali ala sama ni: sina anu pali sina li pona tawa jan pi mama pali anu jan musi

sitelen li pana e ni: pali pi nasin Open-source

musi musi pona tawa jan ale, lon ma ale

jan Pepa&soweli Kawa li sitelen pi toki musi, li musi pi pilin pona, li tawa jan ale, li tawa jan lili, li tawa jan suli. pali pi utala ike li lon ala. pali ni li lon ala: sitelen pi musi ala li tawa jan suli. pali li kepeken nasin Free(libre), li kepeken nasin Open-source. jan Pepa&soweli Kawa li ken suli li pali suli li pona mute tawa kulupu pu jo pi jan ala, tawa nasin kulupu pi mani ala. mi wile e ni: pali mi en sitelen mi li pona lukin mute mute tan ni: nasin Free(libre) en nasin Open-source li ike lukin ala. ala ala ala.

lon sitelen ni la, lipu sitelen li tawa sewi lon ma sike ale

mi ale ken ante e nasin esun pi sitelen pi toki musi!!

sina pana e mani tawa jan ante la jan ante li pana e mani tawa jan pi mama musi la, sina pana e mani mute. tan ni la, mi jo e mani lili taso. taso sina pana e mani tawa jan pi mama musi taso la, sina pana e mani lili taso. tan ni la, mi jo e mani mute. jan esun ante li weka la, pona li mute tawa mi. sina pana e mani tawa mi la, sina pana e pona tawa mi taso. nasin jan Pepa&soweli Kawa li ante ala tan jan pi esun lipu, tan jan pi pana esun lipu, tan jan pi toki esun, tan jan pi toki utala pi nasin pona. nasin esun en nasin jan Pepa&soweli Kawa li nasin pi jan ni ala. nasini esun pi lipu sitelen pi toki musi li kama ike, li weka e mani. pali lili ni li ken ala ken ante e nasin esun suli, li ken ala ken pona e nasin esun suli? ni li ken…

sitelen li pana e ni: nanpa wan li nasin esun pi sitelen pi toki musi. nanpa tu li pona pana pi ilo Patreon