Mercés a la licéncia Creative Commons, podètz contribuir a Pepper&Carrot de mantuna faiçon diferenta.
Rejonhètz los salons de discussion en linha de Pepper&Carrot per partejar vòstres projèctes !
Participatz amb nosautres a desvolopar lo wiki que conten d'informacions suplementàrias sus l'istòria, los personatges e tot çò qu’es necessari per donar vida al monde d’Hereva. Aqueste wiki servís de ressorsa centrala per coordinar las adaptacions e las extensions de l'istòria.
Visitar lo Wiki
Avètz creat una vidèo, un jòc vidèo, una novèla o quicòm mai a l'entorn de l'univèrs de Pepper&Carrot ? M'agradariá fòrça de parlar de vòstre projècte sus mon blòg !
Explorar totes los projèctes derivats sul blòg
Lo site web de Pepper&Carrot e las bandas desenhadas albergadas dessús son concebudas per èsser multilengas e sostenir de lengas variadas. Totas las ressorsas e la documentacion son disponiblas per vos ajudar a començar una traduccion o a far de correccions.
Accedir a la documentacion
M'agradariá fòrça de veire vòstre fan arts ! Dessenhs, modèls 3D, esculturas, bendas dessenhadas de fans, cosplays, scenaris, fan ficcions, e mai encara son totes benvenguts aicí. Lo site web prepausa quitament de galariás per metre en valor vòstras creacions.
Contribuir a la galariá de las Fan Arts
Ai pas de budgèt per la publicitat o la comunicacion, alavetz compti sus vòstra ajuda ! Escriure d'articles, crear de bilhets de blòg, bastir de comunautats, e partejar de ligams suls rets socials son totas de contribucions validas. Ai quitament creat una galariá Premsa amb de ressorsas prèstas a l'emplec per vos ajudar.
Accedir a las ressorsas de premsa
Una o doas setmanas abans la publicacion d'un episòdi novèl, publiqui sovent un fial per que los traductors, relectors e lectors curioses pòscan far un retorn sus l'episòdi que ven. Generalament, anóncii la debuta d’aqueste periòde sus mon blòg. Vos cal pas qu'un compte Framagit per participar !
Legir la discussion suls ensages de lectura precedents
Ai tot detalhat a prepaus del finançament sus las paginas Filosofia e Sosten. Los fonzes suplementaris m'ajudaràn a gerir las despensas comunas (coma las facturas), e me permetràn de consacrar mai de temps a la creacion de la benda dessenhada. Tota donacion, quin que siá lo montant —que siá pontualament o de faiçon recurrenta— ajuda fòrça, tot coma las crompas sus la botiga en linha.
Venir mecèna
I a fòrça de manièras de contribuir ! Los desvolopaires pòdon ajudar a melhorar los logicials de dessenh que utilizi, los musicians pòdon crear de tèmas per Pepper&Carrot, los jornalistas pòdon partejar d'articles sus Pepper&Carrot dins los jornals o a la television, e los estampaire pòdon produire de pòsters o d'autres produches basats sus Pepper&Carrot. Las possibilitats son infinidas !
Partejatz vòstras idèas sul chat