M'agrada de partejar mas coneissenças ! Cresi de tutorials vidèo, d'articles, e de contenguts que desvelan las colissas pendent la produccion. Podètz trobar tot çò que foguèt publicat sus mon blòg e mas cadenas vidèo.
Totes los tutorials e la concepcion sul blòg
Contribuissi al logicial liure e de còdi font dobèrt de dessenh numeric que m'encanta en creant e partejant de pincèls, texturas e tèmas novèls per la comunautat.
Veire totes los pincèls e ressorsas sul blòg
Al començament, èra una solucion per gerir los problèmas de confidencialitat sus mon blòg, e puèi ai començat de crear de generators d'avatars. O podètz utilizar liurament per vòstres avatars !
Lançar lo Generator d'avatar gratuit
E mai se podètz trobar aisidament los imatges en nauta resolucion dins totas las galariás del sit web, vaquí una lista de fonzes d'ecran especialament concebuts per un usatge optimal.
Visitar la galariá de fonzes d’ecran
Crear d'òbras d'art professionalas en utilizant solament de logicials liures e de còde font dobèrt pòt èsser una escomesa, e aquò requerís sovent de coneissenças avançadas en informatica per installar corrèctament un pòst de trabalh. Per comolar aquela manca, publiqui de guidas d'installacion complètas sus mon blòg, amb de tèsts de material.
Veire totas las guidas sul blòg
L'equipa de Pepper&Carrot, relectors e traductors incluses, utiliza exclusivament de polissas de caractèrs liuras. Malastrosament, n'i a pas gaire de disponiblas – subretot per de nombrosas lengas. Per i remediar, avèm començat a crear, collectar e manténer un dossièr de polissas de caractèrs pel projècte. Uèi, fòrça de nòstras polissas son avançadas e de nauta qualitat, e soi content de las poder partejar amb vosautres !
Consultar lo repertòri de polissas de caractèrs