Títol

Episòdi 19 : Pollucion

Pagina 1

Cayenne

Dintri. Pas besonh de te susvelhar mai... Entèrra-me totas aquelas pocions mancadas e dintra lèu per te pausar.

Te ne veire capitar una deman passarà benlèu l'estadi de pantais, qual sap !

Pepper

Es bon, m'afani ! E puèi, de qu'es aquela tissa de voler totjorn tot enterrar ? Seriá pas melhor se...

Cayenne

se QUÉ ?

Pagina 2

Pepper

Èèèè... Rai, soi pas expèrta... Mas ongan, nòstre òrt es subre-estranh e pertòca tanben un bon nombre de plantas a l'entorn de l'ostal...

Escritura

Tomatas

Auberginas

Pepper

Per çò qu'es de las formigas, fan de causas fòrça estranhas.

Alara, bon... Me soi pensat, avèm benlèu un problèma de pollucion, e calriá segurament netejar tot aquò...

Cayenne

Escota, madomaisèla Manqui-Totas-Mas-Pocions, ta tenguda d'Hippiah te deu segurament conflar lo cap !

A Caosah, enterram nòstras malescadudas ! Es la tradicion dempuèi las tenèbras del temps e ne nos batèm de çò que ne pensa DÒNA NATURA !

Alara te calas e CAVAS !!

Pagina 3

Pepper

enterram nòstras malescadudas

la tradicion

dempuèi las tenèbras dels temps

Mas ÒC !

Carròt

Zzzz

Pepper

Anem, mai lèu, Carròt !

Pagina 4

Pepper

« Ò, pros guerrièr polit als pels blonds ! »

« ...Tu que trevas mon caòs ! »

« ...Siás l'entropia de mas albors. »

Es fòl tot çò que se pòt apréner de las mascas qu'entèrran totas lors malescadudas ! Polida poesia, mèstra Cayenne !

Escritura

Jornal Intime de Cayenne

Pagina 5

Cayenne

Avèm totas agut de malescadudas. Soi pas pus la Cayenne qu'escriguèt aquò. Aqueste jornal foguèt enterrat per una rason precisa.

Pepper

...

D'acòrdi ! Mas que disètz d'aquò, e ?

Escritura

CAOSAH SUTRA per Frigola

Frigola

Es pas qu'un desvari de jovença... A mai, es pas per qualqu'un tan jove coma tu !

Pepper

Mm... Vesi... Sètz pas vertadièrament entorteligadas per tot aquò...

Pagina 6

Pepper

Mas l'environament ! La natura ! Podèm pas contunhar de tot polluir atal sens patir de consequéncias grèvas !!!

Cayenne

Nos a pas pausat cap de problèma fins ara !

Sèm de mascas de Caosah ! E nòstres problèmas, los enterram PRIGONDAMENT ! Cal pas debatre de las tradicions !

Comin

Òu, gaitatz çò que veni de retrobar ! Incredible !

Cossí a pogut arribar aquí ?

A segurament besonh d'un petit acordatge, mas sona totjorn.

Pagina 7

Comin

Cossi èra, ja ? Ca~Ca Ca, Caooosah !

Ha ha, ai doblidat las paraulas ! Probable que mon libre de cants es per aquí...

Cayenne

...doncas, sèm totas d'acòrdi. Actualizacion de las règlas de Caosah : tre ara, triam, trissam e reciclam tot ! TOT !!!

Escritura

veire

metal

Narrator

- FIN -

Crèdits

09/2016 - www.peppercarrot.com - Dessenh & Scenari : David Revoy

Script doctor : Craig Maloney. Relectura e ajuda als dialògues : Valvin, Seblediacre e Alex Gryson. Inspiracion : « The book of secrets » de Juan José Segura

Basat sus l'univèrs d'Hereva creat per David Revoy amb las contribucions de Craig Maloney. Correccions de Willem Sonke, Moini, Hali, CGand e Alex Gryson.

Licéncia : Creative Commons Attribution 4.0, Logicials : Krita 3.0.1, Inkscape 0.91 sus Arch Linux XFCE

Pagina 8

Crèdits

Pepper&Carrot es completament liure, open source, e esponsorizat mercés al mecenat de sos lectors. Per aqueste episòdi, mercé als 755 mecènas :

Vos tanben, venètz mecèna de Pepper&Carrot sus www.patreon.com/davidrevoy