nimi
nimi
lipu nanpa luka luka wan: jan pi wawa nasa pi kulupu Pakalaa
ante toki: Ret "jan Ke Tami" Samys.
lipu nanpa luka luka wan: jan pi wawa nasa pi kulupu Pakalaa, lipu lili nanpa 1
jan Kajen
jan Pepa o, sina ike e nimi pi kulupu Pakalaa.
jan Tume
jan Kajen li toki pona. jan ale pi wawa nasa pi kulupu Pakalaa o lawa, o anpa e jan ante, o kama e pilin suli tawa jan ante.
jan Kumin
... taso sina pana a e telo pona e pan suwi tawa kon ike pi nasin Pakalaa*...
sitelen
* o lukin e lipu nanpa luka tu wan: jan Pepa li sike sin e suno
jan Pepa
taso... ...jan sona o...
lipu nanpa luka luka wan: jan pi wawa nasa pi kulupu Pakalaa, lipu lili nanpa 2
jan Tume
jan Pepa o, pali sina li pali wawa. taso kulupu ni la, sina taso li jan sin. pali wile kulupu li ni: sina kama jan pi wawa ike pi kulupu Pakalaa.
jan Pepa
taso... mi wile ala e wawa ike. ike li... ike li nasin pi pona ala--
jan Kajen
O TOKI ALA !
... mi ken weka e wawa ale sina! wawa weka la, sina kama jan lili pi sona ala tan ma Pini Soweli sama tenpo pini.
jan Tume
jan Kumin li tawa poka sina. tan ni la, ona li pana e pona tawa pali sina, li toki e sin pi pali sina tawa mi.
kalama
Ko!
jan Kumin
mu-muuu!
lipu nanpa luka luka wan: jan pi wawa nasa pi kulupu Pakalaa, lipu lili nanpa 3
jan Kumin
jan lawa sin pi ma Aken li pona mute tawa jan ona. ni li ike. jan o pilin anpa tan jan lawa ona.
pali sina nanpa wan li ni: o tawa jan lawa. o ante e pilin ona. tan ni la, sina ken lawa pona e ona.
jan wawa pi kulupu Pakalaa li ken lawa e jan lawa!
lipu nanpa luka luka wan: jan pi wawa nasa pi kulupu Pakalaa, lipu lili nanpa 4
jan Pepa
ni li jan lawa ?... ...ona li lili a ?!
ona en mi li lili sama...
jan Kumin
sina awen tan seme?! o pali! o pini e lape ona, o anpa e ona, o lawa e ona!
lipu nanpa luka luka wan: jan pi wawa nasa pi kulupu Pakalaa, lipu lili nanpa 5
kalama
Wawa
jan Pepa
sina en mi li sama lili...
li lili sama... li pilin sama pi wan taso... ...li wile e nasin ante lon nasin ante ala.
lipu nanpa luka luka wan: jan pi wawa nasa pi kulupu Pakalaa, lipu lili nanpa 6
kalama
Ko!
jan Pepa
?!
kalama
seli !
jan Tume
pali nanpa wan LI IKE ALE! jan Pepa o, pali sina kama li pali mute a...
sitelen toki
- PINI -
mama
tenpo 09/2015 - musi sitelen & toki li tan jan David Revoy - ante toki li tan jan Ret Samys
lipu nanpa luka luka wan: jan pi wawa nasa pi kulupu Pakalaa, lipu lili nanpa 7
mama
jan Pepa&soweli Kawa li nasin jo pi jan ale, li nasin Free(libre), li nasin Open-source, li lon tan mani tan jan pona mute. jan 502 li pana e mani la, lipu ni li lon:
sina ken pana kin e pona tawa lipu kama pi jan Pepa&soweli Kawa: https://www.patreon.com/davidrevoy
nasin lawa : Creative Commons Attribution 4.0 mama pali li lon lipu www.peppercarrot.com ilo : sitelen pi lipu ni li kepeken taso ilo pi nasin jo pi jan ale. ilo pi nasin Libre li ilo Krita 2.9.7, li ilo G'MIC 1.6.5.2, li ilo Inkscape 0.91 lon ilo Linux Mint 17