sitelen toki: ma Tomopona lon insa pi tenpo suno.
sitelen: ONA LI KAMA LAWA JAN LAWA KOWIJANA.
jan pali len: jan lawa lili Kowijana o....
sina ken ala ken pini e tawa?.
jan Kowijana: ken, ken....
jan pali len: tenpo li kama pini. taso tenpo pi lawa sina li kama lon tenpo ilo tu wan..
jan Kowijana: ....

jan Kowijana: jan pona o... awen mi li lon lawa mi....
jan lawa mute li moli lon tenpo sewi ona pi kama lawa tan jan ike. ni li kama nasin tawa sona tenpo pi kulupu mama mi..
tenpo lili la, jan mute en kulupu mute li kama tan ma ale. mi lon insa pi ale ni. ona ale li kama tawa mi. mi pilin ike. mi wile moli ala a!.
jan Pepa: o pilin ike ala, jan Kowijana o. mi ale o kepeken nasin pi mi ale. jan Shichimi en mi li pali, li awen e sijelo sina. o awen e sona ni..
jan Sisimi: ni a. sina o lape e lawa sina. o lukin e ijo ante..
jan Kowijana: pona..
a! mi sona! mi ken pana e ilo sin tawa lukin sina!.
jan pali len: ....
jan Kowijana: ona li lon anpa tomo, lon tomo pali mi. o tawa lon poka mi..

jan Kowijana: sina kama sona e ni: mi wile pali e ona sin tan seme?.
mi pali e ona tan pilin ike tawa tenpo mi pi kama lawa..
o lukin e ilo pali sin mi....
kalama: Nena!.
ilo pi sona pilin: ale o..
mi ILO PI SONA PILIN mu, mu!.
o kama supa lon supa mi. mi kama sona e pilin sina..
kalama: Luka!.

jan Kowijana: sina toki e seme? sina wile ala wile kepeken ona?.
jan Pepa: ala. ni li suli ala. pilin mi li pona taso..
kalama: WAWA!.
jan Pepa: JAN O, ILO SINA LI IKE TAN SEME?!.
jan Kowijana: ike mi! pakala li lon ona. mi sona ala pona e ni. ona li pana e wawa seli tawa toki pi lon ala ..
jan Pepa: toki pi lon ala?!.
taso mi toki pi lon ala lon tenpo ALA!.
kalama: WAWA!.
jan Pepa: NI... LI... MUSI ALA!!!.

jan Sisimi: musi anu seme? ala. ala! ike mi..
jan Kowijana: aa a! lon! ni li musi ala a!.
kalama: WAWA!.
jan Pepa: a... a... a..
jan Kowijana: IKE A! len mi pi tenpo sewi li jaki! jan pi pali len li pana e toki ike tan ni!.
ILO IKE A! mi weka e pakala, lon tenpo ale a!.
jan Pepa: O PINI!!!.

jan Pepa: mi sona e pona pali tawa pakala ni..
kalama: Kiwen!.
sitelen toki: tenpo pimeja li kama....
sitelen: ONA LI KAMA LAWA JAN LAWA KOWIJANA.
kalama: WAWA!.
jan Kowijana: jan Pepa o, sina jan sona!.
jan Pepa: ala, sina jan sona. ni li ilo sin sina !.
ilo pi sona pilin: jan kama o, kama..
toki! sina wile ala wile moli e jan lon tenpo pimeja ni?.
sitelen toki: TOKI NI LI AWEN....

mama: tenpo October 31, 2018 musi sitelen & toki: jan David Revoy. jan pi lukin pona: jan Amyspark en jan Butterfly en jan Bhoren en jan CalimeroTeknik en jan Craig Maloney en jan Gleki Arxokuna en jan Imsesaok en jan Jookia en jan Martin Disch en jan Midgard en jan Nicolas Artance en jan uncle Night en jan ValVin en jan xHire en jan Zveryok. toki pona ante toki li tan jan Ret Samys. jan Juli li pona e ona. musi ni li tan pali pi ma Elewa mama: jan David Revoy. jan awen nanpa wan: jan Craig Maloney. jan pi toki sitelen: jan Craig Maloney en jan Nartance en jan Scribblemaniac en jan Valvin. jan pi pona pali: jan Willem Sonke en jan Moini en jan Hali en jan CGand en jan Alex Gryson . ilo: ilo Krita 4.2-dev en ilo Inkscape 0.92.3 li kepeken ilo Kubuntu 18.04. nasin pi lawa jo: Creative Commons Attribution 4.0. www.peppercarrot.com.
jan Pepa: sina sona ala sona? jan Pepa&soweli Kawa li kepeken nasin jo pi jan ale, li nasin Free(libre), li nasin Open-source, li lon tan mani tan jan pona mute. jan 1060 li pana e mani la, lipu ni li lon!.
sina kin li ken pana e pona tawa jan Pepa&soweli Kawa. nimi sina li ken lon ni! ilo Patreon en ilo Tipeee en ilo PayPal en ilo Liberapay en ilo ante la, mi lon! sina wile sona la, o lukin e lipu www.peppercarrot.com ! sina pona!.