Narrator: Kwalicita y'n androweyth.
Writing: KURUNYANS HY MEUREDH MYGHTERNES CORIANDER.
Tailor: Pennseviges Coriander, my a'gas pys ....
A wrewgh hwi hedhi gwaya yn feur?.
Coriander: Da lowr, da lowr....
Tailor: Yma termyn ow tifygya ha solempnita agas kurunyans a wra dalleth dhe benn tri our..
Coriander: ....

Coriander: A wodhowgh... Yth esen ow tybi a-dro dhe'n diogeledh arta....
Lies myghtern ha myghternes yowynk a veu moldrys yn kres aga solempnita kurunyans. Henna re dheuth ha bos rann istori ow theylu..
Ha lemmyn, dhe benn dew our, ni a dhegemmer milyow a westoryon dhyworth oll an norvys ha my a vydh kres aga attendyans. Fest, fest ownek ov!.
Pepper: Na vydh prederus, Coriander. Ni a wra holya agan towlen. Shichimi ha my a vydh dha withyadesow, a berthydh kov?.
Shichimi: Poran. Y tegoodh dhis powes pols ha tybi a neppyth aral..
Coriander: OK..
A! Prag na wrav diskwedhes orthowgh ow dismygyans nowydh?.
Tailor: ....
Coriander: Ymava a-woles dhe'n grisyow yn ow shoppa ober. Dewgh war ow lergh..

Coriander: Hwi a gonvedh a verr spys prag y fynnis drehevel an huni nowydh ma..
Yth yw awos ow frederow ow tochya an kurunyans..
Gesewgh vy dh'agas komendya dhe'm dismygyans nowydh....
Sound: Skwych!.
Psychologist-Bot: Dydh da, norvys..
Dha VRYSONYDH-BOT ov vy, blip, bloup!.
Growedh war ow gweli-dydh, mar pleg, rag kussulyans heb kost..
Sound: Tapp!.

Coriander: Ytho, pandr'a dybowgh? A garsewgh y assaya?.
Pepper: Dar! Edhom vyth. Ny'm beus kudynnow brysoniethel..
Sound: BZZZ!.
Pepper: MAL! PYTH YW KAMM GANS DHA ROBOT?.
Coriander: Drog yw genev! Yma pryv ynno ny allav y ewna hwath. Ev a dhyllo jagg tredan kettel helergho gow..
Pepper: Gow?!.
Mes ny leveris gow y'm oos dien!.
Sound: BZZZ!.
Pepper: NYNS YW... HENNA... DIDHANUS!!!.

Shichimi: Didhanus? Nag yw, yn tevri! Drog yw genen..
Coriander: Hi hi! Gwir! Nyns yw didhanus vytholl!.
Sound: BZZZ!.
Pepper: Ha... Ha... Ha..
Coriander: GO VY! Shyndys yw ow goon rag an solempnita! Serrys vydh ow thregher!.
Robot drog! My a wra ewna dha bryv, bys vykken!.
Pepper: GORTA!!!.

Pepper: Yma tybyans dhymm fatel alsen ni usya an pryv ma..
Sound: Tyng!.
Narrator: Y'n gorthugher....
Writing: KURUNYANS HY MEUREDH MYGHTERNES CORIANDER.
Sound: BZZZ!.
Coriander: Pepper, awenydhes os!.
Pepper: Nag ov, ty yw. Dha dhismygyans tejy yw!.
Psychologist-Bot: An nessa, mar pleg..
Dydh da, esos ta ow tewlel moldrans haneth?.
Narrator: DHE VOS YSTYNNYS....

Credits: October 31, 2018 Art & hwedhel: David Revoy. Beta readers: Amyspark, Butterfly, Bhoren, CalimeroTeknik, Craig Maloney, Gleki Arxokuna, Imsesaok, Jookia, Martin Disch, Midgard, Nicolas Artance, uncle Night, ValVin, xHire, Zveryok. Versyon Kernewek Treylyans: Steve Harris. Provredyans: Steve Penhaligon . Based on the universe of Hereva Creator: David Revoy. Lead maintainer: Craig Maloney. Writers: Craig Maloney, Nartance, Scribblemaniac, Valvin. Correctors: Willem Sonke, Moini, Hali, CGand, Alex Gryson . Software: Krita 4.2-dev, Inkscape 0.92.3 on Kubuntu 18.04. License: Creative Commons Attribution 4.0. www.peppercarrot.com.
Pepper: A wodhes? Pepper&Carrot yw rydh(libre), fenten ygor, ha skoodhys dre weres kuv redyoryon. Rag an dyllans ma, synsys ov dhe'n 1060 tasek!.
Y hyllir dos ha bos tasek Pepper&Carrot ha kavos dha hanow omma ! Yth eson war Patreon, Tipeee, PayPal, Liberapay ...ha moy! Mir orth www.peppercarrot.com rag derivadow moy! Meur ras!.