Filosofieth

Skoodhys gans tasogyon

Arghesys yw ragdres

Pepper&Carrot gans oll y dasogyon hepken, dhyworth oll a-dro dhe'n bys. Pub tasek a wra danvon temmik a vona rag pub rann nowydh dyllys ha kavos aswonans war-woles an rann nowydh. Der an system ma, Pepper&Carrot a yll durya anserghek heb resortya dhe argemynnans po an defolyans a varghasans.

imach ow telinya tasegans

100% rydh(libre), bys vykken, paywall vyth

Yma oll an synsasow a wrav vy ow tochya Pepper&Carrot war an wiasva ma, rydh(libre) ha kavadow dhe bubonan. My a wra revrons dhywgh oll yn kehaval: gans mona po hebdho. Pub bonus arbennek a wrav rag ow thasogyon a vydh postys omma ynwedh. Ny wra Pepper&Carrot govyn orthowgh dhe dyli travyth po prena rabren rag kavos hedhas dhe synsasow nowydh.

imach ow telinya paywall

Fenten ygor ha kumyasek

My a vynn ri kummyas may hyllir kevranna, usya, ystynna ha dendil arghans dhyworth an ober a wrug vy. Pub folen, artweyth ha synsas a veu gwrys gans medhelweyth Rydh(Libre) ha fenten ygor war GNU/Linux, hag yma pub fenten war an wiasva ma, rol 'Fentynnyow'. Usyans kenwerthel, treylyansow, art skoodhyer, pryntys, gwydhyowyow, gwariow gwydhyow, kevrennans, ha daspostyansow yw kenerthys. Y tegoth dhis saw ri aswonans dhe'n awtours (artydhyon, ewnheoryon, treylyoryon omvyskys y'n artweyth a garses y usya), provia kevren dhe'n leshyans, ha disklerya mar pons chanjys ynna. Y hyllir gul hemma yn neb fordh resnadow, mes heb profya yn neb fordh vyth an awtours dhe geynskrifa po ty po dha usyans.

imach ow telinya media fenten ygor

Didhan kwalita rag pubonan, yn pub le

Pepper&Carrot yw roskomik didhanus gwiw rag pubonan, a bub oos. Synsas adhves vyth, freudh vyth. Rydh(libre) ha fenten ygor, Pepper&Carrot yw ensampel gothus a wonisogeth rydh pur dha. My a wra fogella yn feur war gwalita, drefen na styr rydh(libre) ha fenten ygor po drog po bodhesik. Ass yw kontrari.

imach ow telinya folennow komik ow neyja a-dro dhe'n bys

Chanjyn an diwysyans komik!

Heb maynor ynter artydh ha redyoryon ty dhe dyli le ha my dhe dhendil moy. Ty a'm skoodh yn tidro. Na dyllor, na lesrennyas, na mayni argemmyn po kreslu gis vyth a yll ow honstrina dhe janjya Pepper&Carrot may fo ogassa dh'aga gwel a 'an varghas'. Prag na alsa unn sewenyans unnik ystyn dhe dhiwysyans dien yn barras? Ni a wel…

Imach: diwysyans lyver komik erbynn skoodhyans Patreon