Hi, ik heet David Revoy, ik bün en franzööschen Künstler un 1981 op de Welt kamen. Ik bün Autodidakt un heff groot Vermaak för dat Teken un Malen, för Katten, Computer, GNU/Linux Open Source, Kultur, Internet, old-school Computer-RPGs, olle Mangas un Anime, traditionelle Kunst, japaansche Kultur, Fantasy...
Na över teihn Johr Arbeit in de Rebeden digitaal Malen, Lehren, Concept Art, Illustration un Art-Direction heff ik nu mien egen Projekt in 't Leven ropen. Dormit heff ik endlich en Weg funnen, allens ünner en Hoot to kriegen, wat ik geern mag – un dorbi rutsuert is Pepper&Wuddel.
I'm working on this project since May 2014, and I received the help of many contributors and supporters on the way. You'll find the full list of credits on the License menu.
My blog: www.davidrevoy.com
My email: info@davidrevoy.com
Dat Pepper&Wuddel-Projekt warrt alleen vun sien Förderer ut de hele Welt finanzeert. Jede Förderer gifft en beten Geld för jede ne'e Folg un warrt denn an 't Enn vun de ne'e Folg nöömt. Dordör kann Pepper&Wuddel op egen Been stahn un free blieven vun Warf oder driest Marketing.
Allens, wat ik to Pepper&Wuddel maken do, kann jedereen hier op de Websteed free rünnerladen. Ik behannel ji all glieks: mit oder sünner Geld. All de extra Togaven, de ik för mien Förderer maak, warrt dat ok hier för Jan un Allemann geven. Pepper&Wuddel warrt nienich vun di verlangen, dat du Geld betahlst oder en Abo afsluttst, üm ne'e Dingen to sehn.
Ik will Lüüd dat Recht geven, wat se dat, wat ik maakt heff, för ehr egen Projekten bruken köönt, ännern köönt oder sogor Geld dormit verdenen köönt. All Sieden, Kunstwarken un annern Kraam sünd mit fre'e Open Source Software op GNU/Linux maakt worrn un all de Dateien kannst du op de Websteed hier in dat Menü 'Originaldateien' finnen. Geern dörvt ji de Saken kommerziell bruken, översetten, wiedergeven oder Fan-Art, Drucke, Films, Videospelen usw. maken. Ji mööt man blots mien Naam - David Revoy - as Autor nömen. Wullt du mehr weten, kiek:
Creative Commons Attribution 4.0 International license.
Pepper&Wuddel is en lustigen Webcomic för Jan un Allemann, egal, wo olt. Allens is passlich för junge Lüüd, dat gifft keen Gewalt. Free un Open Source as Pepper&Wuddel is, is dat en stolt Bispill dorför, wo cool fre'e Kultur ween kunn. Qualität is för mi wichtig, denn "free" un "Open Source" heet nich slecht oder amateurhaftig. Ganz in 't Gegendeel!
Wiel dat weniger Arbeit för de Organisatschoon twischen Lesers un Künstler gifft, betahlt ji weniger un ik verdeen mehr. Ji geevt mi direktemang Stütt. Keen Redakteur/Verlag/Marketing un keen Mood kann mi dwingen, Pepper&Wuddel to verännern un an 'de Markt' antopassen. ... Worüm schull nich en enkelde Comic, de allerbest löppt, en Lawien in Gang setten, de de hele Industrie in de Knee dwingt? Laat uns dat versöken!
Förderer vun Pepper&Wuddel warrn