Eapasod 22: An siostam bhòtaidh

Eadar-theangachadh: GunChleoc.

Àrd-bhàillidh Chomona: ’S urrainn dhan fharpais bhuidseachais mhòr againn tòiseachadh mu dheireadh thall!
Sgrìobhte: Farpais buidseachais

Àrd-bhàillidh Chomona: Agus taing dha na h-innleadairean seòlta againn, gabhaidh sibh uile pàirt ann cuideachd!; Seo agaibh e, a chàirdean, seallaibh air iongantas an teicneòlais a bheir an luchd-frithealaidh dhuibh!; Bheir am putan uaine puing dha cho-fharpaisiche ’s bheir am putan dearg puing air falbh. Is sibhse a nì an co-dhùnadh!; An cluinn mi ceist mun choiste? Na gabhaibh dragh dheth! Tha adhbhar dhaibh!; Tha uidheam-smachd sònraichte aig gach britheamh agus bheir iad seachad no air falbh ceud phuing leis gach brùthadh!
Peabar: Abair e!

Àrd-bhàillidh Chomona: Agus an salann sa bhrot – chì sibh na sgòran sa bhad os cionn gach co-fharpaisiche!
Sgrìobhte: 1337
Àrd-bhàillidh Chomona: Leanaidh an triùir a gheibh na sgòran as àirde air adhart dhan chuairt dheireannach!; Cumaibh ’nur n-aire gum faigh an tè a bhuannaicheas duais mhòr dhe... …50,000 Co!
An èisteachd: Clapan

An èisteachd: Clapan
Curran: Gnogag
Peabar: Abair deagh bheachd, nach e, a Churrain?; Ùr-ghnàthach… Aoibhneil… Fo smachd an t-sluaigh… … seo siostam foirfe!; Chan eil sinn an eisimeil air eòlaichean tuilleadh airson breithneachadh dhuinn dè tha math! Abair adhartas! Abair sàr-linn sa bheil sinn beò!
Àrd-bhàillidh Chomona: A bheil uidheam aig a h-uile duine?
An èisteachd: Sgoinneil!; Tha!; Tha gu dearbh!; Aidh!
Àrd-bhàillidh Chomona: Taghta! Tha an fharpais… air a TÒISEACHADH!!

Sgrìobhte: 5861
Àrd-bhàillidh Chomona: Fhuair Buidheag sgòr math! ’S e cuairt Shidimi a th’ ann a-nis!
An èisteachd: Clapan
Sidimi: LUX…
Fuaim: Fiiiiiiiss!!
Sidimi: MAXIMA!
An èisteachd: À!!; Aoibh!!; Mo shùilean!!!; Bù! Bùù!
Peabar: A Churrain... thoir òrdag uaine dhi co-dhiù; ’s e ar caraid a th’ innte...
Curran: Gnogag
An èisteachd: Bù! Bùù!
Sgrìobhte: -42
Àrd-bhàillidh Chomona: À, cha chreid mi gun do chuir an taisbeanadh “dealrach” seo an sluagh o mhothachadh! Seo dhuibh Muirlinn a-nis!
An èisteachd: Bùù! Bùù! Bùù! Bù!

Muirlinn: FUASGLUS KRAKENIS!
Fuaim: Ubhluluuu!; Splaaish!
Sgrìobhte: 6225
Àrd-bhàillidh Chomona: Eireachdail! Cumhachdach! Tha Muirlinn air thoiseach càich! A Chostag, do chuairt-sa a-nis!
Muirlinn ⁊ Sgeach: Pliut
An èisteachd: Clapan
Costag: MORTUS REDITUS!
Fuaim: Grubhuuu!
Sgrìobhte: 2023
Àrd-bhàillidh Chomona: Ò, saoil a bheil cnàimhnich a-mach à fasan? Nise, a Chròch chòir!

Cròch: Grrr! Chan eil dòigh gun dèid nas miosa leam na le Muirlinn! Nì mi mo dhìcheall!; A dh’astar, a Chè!
Fuaim: Frrruuuis!; Frrruiiis!; Crchh!
Cè: Miamh!
Cròch: SPIRALIS; LASaaaaaaiiiidh!
Fuaim: Frrruuuisss!; Slaiiiighd!; Fisss!; Saidse!
Cròch: ?!!
Fuaim: Fissss!; Fisss!
Cròch: Aoiiibh!!

Cròch: Iochd... abair tàmailt!
An èisteachd: Clapan
Cròch: ?!
Sgrìobhte: 14 849
Peabar: Gnogag
An Rìgh Reòthach: Gnog Gnog Gnog
Sgrìobhte: 18 231
Àrd-bhàillidh Chomona: Beagan beusachd, a chàirdean! Cha dèid Sidimi no Costag dhan ath-chuairt!; Thèid Buidheag, Muirlinn agus Cròch dhan chuairt dheireannach!

Àrd-bhàillidh Chomona: A chlann-nighean, a bheil sibh deis airson dùbhlan eile?; Siuthadaibh!
Sgrìobhte: 15 703; 19 863; 13 614
An èisteachd: Clapan
Fuaim: Brag!
Peabar: Thèid mi às àicheadh air na thuirt mi mun t-siostam seo cheana...
An Rìgh Reòthach: Gnog Gnog Gnog
Neach-aithris: - Deireadh na sgeòil -

Urram: 05/2017 – www.peppercarrot.com – Obair-ealain ⁊ sgeulachd: David Revoy – Eadar-theangachadh: GunChleoc; Piseach air na còmhraidhean: Nicolas Artance, Valvin, Craig Maloney.; Stèidhichte air saoghal Hereva a chaidh a chruthachadh le David Revoy le taic o Craig Maloney. Ceartachadh le Willem Sonke, Moini, Hali, CGand ’s Alex Gryson.; Bathar-bog : Krita 3.1.3, Inkscape 0.92.1 air Linux Mint 18.1; Ceadachas : Creative Commons Attribution 4.0; Tha Pepper&Carrot saor is le tùs fosgailte air fad agus ’ga sponsaireadh le taic nan leughadairean. Mòran taing dhan 864 pàtran a thug taic dhan eapasod seo:; ’S urrainn dhut dol ’nad phàtran Pepper&Carrot cuideachd air www.patreon.com/davidrevoy